Sarvinoz Ruziyeva - Talabalik davrim meni

Talabalik davrim mening
Davronlarning zo'risan
Sen umrlar bahorisan
Sen umrlar yozisan

Qalbimizga ilm-u urfon
Urug'larin ekkan sen
Boshimizni kecha- kunduz
Kitoblarga eggan sen
Talabalik davronim sen
Davronlarning asli sen
Yuzlarimga yor nafasi
Ilk bor tekkan faslisan

Allaqachon yulduzlarga
To'g'ri kelib yulduzlar
Bir-biriga termulishar
Baxtli qoshi qunduzlar

Ko'ngil zavq-u shavqqa to'la
Bo'sh bo'lsada hamyonlar
Xuddi palov kabi tatir
Qattiq non-u yovg'onlar
Yillar o'tar ey davronim
Sen ham o'tib ketarsan
Bizning yorug' taqdirlarni
Balki o'zing bitarsan

Talabalik davrim mening
Davronlarning zo'risan
Sen umrlar baxorisan
Sen umrlar yozisan