Nilufar Usmonova, Hojiakbar Ro'zmetov - Ona bola suhbati

Jonim bolam bormisan
Qo'ng'iroq ham qilmaysan
Biz ham omonat jonmiz
Nega buni bilmaysan

Biz ham omonat jonmiz
Nega buni bilmaysan
Salom ona bormisiz
Tanu joningiz sog'mi

Tinchmi mahalla ko'ylar
Dadamni vaqti chog'mi
Borman bolam jon bolam
Ko'zim yo'l qarab toldi

Sochlariga oq tushib
Dadang ham qarib qoldi
Unday demang jon ona
Umringiz bo'lsin uzoq

Shu bir qog'oz pulni deb
Sizlardan ketdim yiroq
Qishloqda ham ishlasang
Bo'lardiku jon bolam

Men ham yig'lab yurmasdim
Xudoga qilib nola
Ko'z-yoshni qo'ying ona
Qadringiz ko'p bilinar

Bu yerlarda non yopib
Kim ham kulcha ilinar
Sog'indingmi jon bolam
Shirmoy nonu kulchalarni

Yoshligingni eslayman
Mittigina qo'lchalarni
Esingizdami ona
Ko'k somsalar qilardingiz

Kuyib qolma bolam deb
Puflab puflab berardingiz
Yodimda bari bolam
Tongda turib o't yoqdim

Shu qishloqdan chiqmasdan
To'rtta bolamni boqdim
Tinglab onam so'zlarin
Tanamga kirdi titroq

Nur sochgan quyoshdan ham
Onam mehri buyukroq
O'zing yaratding egam
Yeru osmon olamni

Joniga ozor berma
Jannat hidli onamni