Dilnoza Akbarova - Musofirim

Musofirda o'tar yillari
Aytolmayman dilda zorimni
Uni uyda kutar dilbari
Xudo asra sevgan yorimni

G'iybat to'lib toshgan so'zlardan
Yomon nazar yomon ko'zlardan
Or nomusi yo'q beyuzlardan
Xudo asra sevgan yorimni

O’z yurtiga qaytib kelguncha
Eson omon uyga yetguncha
Vasli diydor nasib etguncha
Xudo asra sevgan yorimni

Qani menda bo'lganda imkon
Yolg'iz qo'ymas edim hech qachon
Sadoqati bo'ynida marjon
Xudo asra sevgan yorimni

Osmondagi quyoshimda mening
Olislar yuldoshimda mening
Shu eng nozik joyim mening
Xudo asra sevgan yorimni

Asrlardek o'tar bir yilim
Eslaganda og'riydi dilim
Omonatdur senga sevgilim
Xudo asra sevgan yorimni

O’z yurtiga qaytib kelguncha
Eson omon uyga yetguncha
Vasli diydor nasib etguncha
Xudo asra sevgan yorimni

Xudo asra sevgan yorimni
Xudo asra omonatimni…